Michael Kitt (Galway East, Fianna Fail) | Oireachtas source

Muna bhfuil plean ag an Aire, críochnóidh an tseirbhís i Meán Fómhar 2015. Caithfidh an tseirbhís seo a bheith ar fáil i rith na bliana go léir agus bliain i ndiaidh bliain, mar a dúirt mé. Caithfimid bheith cinnte mar gheall ar an seirbhís seo. Ba cheart go mbeadh plean ann ar a laghad ocht nó naoi mí roimh deireadh an chonartha. Ba mhaith liomsa go gcuimhnóidh an Aire Stáit ar na daoine aosta a úsáideann an seirbhís seo agus ar chúrsaí gnó ar an oileán. Ó thaobh spóirt de, bhuaigh foireann peile Oileán Árann craobh sóisearach na Gaillimhe i mbliana ach bhí orthu taisteal ar an mbád. B'fhéidir go mbeidh an aerseirbhís acu an bhliain seo chugainn ach cad a tharlóidh don seirbhís amach anseo? Tá sé an-tábhachtach go mbeidh an seirbhís leanúnach, bliain i ndiaidh blian.

See this speech in context