Ms Cabr?n? de Barra:

Bhí deis dhearfach againn bualadh le Micheál Ó Duibh ó Bharr Feabhais, an comhlacht atá i mbun an athbhreithnithe. Thug sé cluas éisteachta iontach dearfach dúinn. Thugamar an-chuid eolais dó roimh ré sa tslí go mbeadh sé ar an eolas faoin méid a bhí ar siúl againn, na dúshláin a bhí ann agus an dul chun cinn a bhí déanta. Ba phróiseas iontach dearfach é. Mhothaíomar gur thuig sé na deacrachtaí agus go raibh sé ag éisteacht linn. Bhí mé i dteagmháil leis le déanaí agus, mar a thuigim é, bhí a thuairisc le dul os comhair na Roinne ag deireadh na míosa seo caite, mí Aibreáin. Déarfainn go bhfuil sé díreach ag an Roinn anois. Táim féin dóchasach ó thaobh an phróiseas de. Cheap mé gur phróiseas oscailte agus ionraic a bhí ann. Níor dúnadh síos aon cheist. Measaim go raibh tuiscint faoi leith aige faoi cad a bhí á rá againn. Tá súil agam go dtiocfaidh sé sin trasna sa tuairisc a chuireann sé os comhair an Rialtais.