Dr. Victor Bayda:

Tagaim le Cabríní de Barra mar gheall ar an gcomhrá. Bhí comhrá an-deas againn le Micheál Ó Duibh. Bhí deis againn bualadh leis, labhairt leis agus cur i láthair a dhéanamh mar gheall ar an gceantar, na dúshláin atá ann, na rudaí atá bainte amach agus mar sin de. Ní bheinn cinnte mar gheall ar na focail "próiseas" agus "córas" mar ní raibh sé soiléir roimhe sin conas go díreach a bheadh an t-athbhreithniú seo ar siúl. Bhí tuiscint againn go mbeadh comhrá againn leis an duine. I ndáiríre, níl tuiscint agam conas a bheidh an t-athbhreithniú seo ar siúl ina dhiaidh sin. Bhí comhrá againn agus chuireamar an t-eolas ar fad ar fáil dó ach go minic, nuair a thosaím ar rud éigin, deirtear liom go gcaithfear staidéar a dhéanamh, féachaint ar na fíricí agus rudaí mar sin. Cad iad na fíricí agus na rudaí a bhfuil staidéar laistiar dóibh gur mar seo a bheadh an cur chuige ag an athbhreithniú sin? Tá an t-athbhreithniú seo ar siúl ach nílim cinnte mar gheall ar an gcur chuige. Ní dúirt aon duine liom cén cur chuige atá ag an athbhreithniú sin, cad iad na fíricí nó staidéir ar a bhfuil sé bunaithe, conas a bheidh an rud seo á eisiúint don phobal nó, an rud is tábhachtaí, cén chumhacht a bheidh ag an athbhreithniú sin ar an tuairisc seo. B'fhéidir go mbeidh an tuairisc seo ann agus fíricí agus rudaí eile ann ach an mbeidh aon chumhacht ag na rudaí seo a dúramar agus a léiríomar sna comhráite sin ar an gcóras amach anseo?