Marc Ó Cathasaigh (Waterford, Green Party) | Oireachtas source

Nach gcruthaíonn sé sin an fhadhb chéanna atá againn i gcónaí, is é sin, nach bhfuil treoirlínte ann? Tóg, mar shampla, breac-Ghaeltacht nó Gaeltacht ina bhfuil an teanga beagáinín níos laige ná i gceantair eile. Nach gcaithfear treoirlínte a bheith ann do gach Gaeltacht seachas rialacha éagsúla a bheith ann do cheantair Ghaeltachta éagsúla? Is ceann de na fadhbanna is mó atá againn é sin.