Dr. Aodhán Mac Cormaic:

Caithfear a bheith solúbtha. Tá a lán áiteanna istigh sa Ghaeltacht nach bhfuil an teanga chomh láidir sin iontu. I roinnt acu, tá sí an-lag. Cén sórt coinníollacha teanga a chuirfear i bhfeidhm? Cén céatadán a bheidh i gceist le haghaidh eastáit tithíochta sna ceantair sin le hais ceantair ar nós Leitir Mór, an Trá Mhór agus áiteanna mar sin i bhfíorlár na Gaeltachta cirte? Caithfear breathnú ar na ceantair óna bhfuil na hiarratais ag teacht agus díriú ar chéatadáin éagsúla a chur i bhfeidhm.