Written answers
Thursday, 25 May 2023
Department of Culture, Heritage and the Gaeltacht
Acht na dTeangacha Oifigiúla
Aengus Ó Snodaigh (Dublin South Central, Sinn Fein)
Link to this: Individually | In context | Oireachtas source
170. To ask the Minister for Culture, Heritage and the Gaeltacht conas atá ag éirí leis an gcoinníoll faoi Acht na dTeangacha Oifigiúla (Leasú), 2021 a deir gur gá 5% den chaiteachas fógraíochta ag comhlacht poiblí a chaitheamh ar fhógraíocht sna meáin Ghaeilge; cén mhonatóireacht atá ar bhun ar chomhlíonadh na forála seo; agus cé mhéad airgead atá caite ar na meáin Ghaeilge de thoradh an choinníll seo go dtí seo faoin Acht. [24714/23]
Patrick O'Donovan (Limerick County, Fine Gael)
Link to this: Individually | In context | Oireachtas source
Tháinig alt 10A - Fógraíocht ag Comhlachtaí Poiblí - d’Acht na dTeangacha Oifigiúla (Leasú) 2021, i bhfeidhm ar an 10 Deireadh Fómhair 2022.
Mar thoradh ar an bhforáil úd, tá dualgas ar gach comhlacht poiblí anois 20% ar a laghad dá fhógraíocht bhliantúil a dhéanamh i nGaeilge agus 5% ar a laghad dá bhuiséad fógraíochta bliantúil a chaitheamh ar fhógraíocht i nGaeilge sna meáin Ghaeilge. Is foráil thar a bheith dearfach atá ann atá tar éis cur go mór le feiceálacht na teanga trasna gach ardán meán atá in úsáid ag comhlachtaí poiblí cheana féin.
Tugann an fhoráil seo teachtaireacht shoiléir agus shuntasach do phobal na Gaeilge, ní hamháin go bhfuil meas ag an Stát ar an teanga mar ghné lárnach dár gcuid oidhreachta cultúrtha, ach go bhfuil buntáiste eacnamaíoch suntasach ag baint léi dá lucht labhartha. Tá mé den tuairim láidir go neartófar iarrachtaí an Stáit chun úsáid na teanga a chur chun cinn dá bharr, rud a thagann le Straitéis 20 Bliain don Ghaeilge 2010-2030.
Mar thaca do chur i bhfeidhm na forála seo, tá seimineáir faisnéise éagsúla reáchtáilte ag mo Roinnse, mar seo a leanas:
- seimineáir i mí Iúil 2022, i gcomhar le hOifig an Choimisinéara Teanga, ar mhaithe le comhairle a chur ar chomhlachtaí poiblí i dtaobh a gcuid dualgas breise faoin Acht. D’fhreastail os cionn 1,000 fostaithe Stáit orthu seo;
- seimineáir i mí Mheán Fómhair 2022 a d’eagraigh Oifig an Choimisinéara Teanga agus a ghlac mo Roinn páirt iontu a bhain go sonrach leis an bhforáil seo; agus
- seimineár i mí Eanáir 2023 do chomhlachtaí poiblí maidir le haistriúchán Gaeilge, áit a cuireadh béim mhór ar an bhforáil shonrach seo agus a ndearnadh cur i láthair sonrach faoi chóipscríbhneoireacht le Gaeilge.
No comments