Written answers
Thursday, 10 September 2020
Department of Justice and Equality
Cumas Gaeilge sa Gharda Síochána
Éamon Ó Cuív (Galway West, Fianna Fail)
Link to this: Individually | In context | Oireachtas source
45. To ask the Tánaiste and Minister for Justice and Equality an bhfuil sé mar bheartas ag a Roinn a chinntiú go lonnófar comhaltaí den Gharda Síochána a bhfuil Gaeilge acu sna ceantair Ghaeltachta; cad é an líon comhaltaí den Gharda Síochána a bhfuil liúntas Gaeilge á fháil acu faoi láthair, agus cad iad na stáisiúin ina bhfuil siad lonnaithe; agus an ndéanfaidh sí ráiteas ina thaobh. [22387/20]
Helen McEntee (Meath East, Fine Gael)
Link to this: Individually | In context | Oireachtas source
Mar a thuigfidh tú, is é Coimisinéir na nGardaí agus a fhoireann bhainistíochta amháin atá freagrach as dáileadh acmhainní, lena n-áirítear pearsanra, i measc Ranna éagsúla na nGardaí agus níl aon ról díreach agamsa, mar Aire, san ábhar. Coinníonn bainistíocht na nGardaí dáileadh seo na n-acmhainní faoi shíor-athbhreithniú i gcomhthéacs threochtaí na coireachta agus tosaíochtaí póilínithe, chun a chinntiú go mbaintear an úsáid is fearr is féidir as na hacmhainní sin.
Tá an Garda Síochána lántiomanta do dhualgais na heagraíochta faoi Acht na dTeangacha Oifigiúla agus Acht an Gharda Síochána, 2005, a chomhlíonadh.
Foráiltear le halt 33 d’Acht an Gharda Síochána, 2005, go gcinnfidh an Coimisinéir an modh ina bhfuil comhaltaí den Gharda Síochána le dáileadh agus le bheith ar stáisiún ar fud an Stáit. Agus an fheidhm sin á cur i gcrích, foráiltear leis an alt, thairis sin, go gcinnteoidh an Coimisinéir, a mhéid is féidir, go mbeidh comhaltaí den Gharda Síochána a bheidh ar stáisiún i gCeantar ina bhfuil limistéar Gaeltachta inniúil go leor sa Ghaeilge chun a chur ar a gcumas í a úsáid go saoráideach agus a ndualgais á gcomhlíonadh acu.
Chun cuidiú leat, chuaigh mé i dteagmháil leis an gCoimisinéir agus tá curtha in iúl dom go bhfuiltear tar éis na bearta seo a leanas a dhéanamh le blianta anuas in iarracht chun a chinntiú go ndéantar Gardaí atá inniúil sa Ghaeilge a imlonnú i stáisiúin Ghaeltachta.
1. Beartas Earcaíochta
Rinne an Garda Síochána athrú ar a bheartas earcaíochta i 2013, trína ndéantar suas le 10% de gach grúpa nua a ghlactar isteach a chur in áirithe do chainteoirí líofa Gaeilge. Rinne an tSeirbhís um Cheapacháin Phoiblí sainsruth Gaeilge a chur san áireamh i ngach comórtas nua, agus cuireann Gardaí a thagann isteach san eagraíocht de cheangal orthu féin roinnt blianta a chaitheamh i limistéar Gaeltachta tar éis dóibh oiliúint agus taithí leordhóthanach a fháil i stáisiún oiliúna, agus má mheasann a n-oifigeach Roinne gur cuí sin.
Bhíothas ag súil leis, tar éis an Sruth Gaeilge a chur ar bun, go mbeadh buíon mhór Gaeilgeoirí ar fáil ag an eagraíocht. Ní raibh mar thoradh ar an gcéad chomórtas earcaíochta inar seoladh an Sruth, áfach, ach 29 comhalta agus, ó shin i leith, ní dhearna ach líon beag iarratasóirí iarratas agus bhain amach na céimeanna deiridh i ngach feachtas ina dhiaidh sin – mar shampla, ní raibh mar thoradh ar an Sruth Gaeilge ón bhfeachtas earcaíochta deireanach ach 3 Gardaí faoi oiliúint, d’ainneoin go bhfuil 10% de na háiteanna á gcur in áirithe do chainteoirí líofa Gaeilge ag an eagraíocht.
Déanann an Garda Síochána gach iarracht chun comhaltaí ón Sruth Gaeilge a leithdháileadh chuig stáisiúin oiliúna i Roinn ina bhfuil Gaeltacht.
2. Treoir 49/2018 ón gCeanncheathrú – Painéal Gaeilge
Eisíodh Treoir 49/2018 ón gCeanncheathrú i 2018 chun a chinntiú go gcomhlíonfaí ár ndualgais reachtúla trí gan ligean ach do chomhaltaí atá líofa sa Ghaeilge aistriú go stáisiúin Ghaeltachta ar fud na tíre. Tá Painéal Gaeilge a forbraíodh le déanaí san áireamh sa bheartas nua, agus tá comhaltaí san áireamh ann ag grád Garda agus Sáirsint a léirigh spéis i bheith ag obair i Stáisiún Gardaí Gaeltachta agus a léirigh inniúlacht ag Leibhéal 4 nó níos airde i Measúnú Inniúlachta nua an Gharda Síochána sa Ghaeilge Labhartha.
Tá bealaí á mbreithniú ag an nGarda Síochána chun a chinntiú, bunaithe ar Threoir 49/2018 ón gCeanncheathrú, go mbeidh beartas éifeachtach leithdháilte acmhainní Gaeilge bunaithe do stáisiúin nach bhfuil i limistéar Gaeltachta ach a fhreastalaíonn ar phobal Gaeltachta.
Amhail de réir an phárolla is déanaí, tá 209 comhalta den Gharda Síochána ag fáil an liúntais Gaeltachta faoi láthair. Tá na comhaltaí sin lonnaithe sna Ranna seo a leanas, sna stáisiúin/oifigí atá liostáilte:
Gaillimh
Leacht Seoirse
An Cheathrú Rua
Cill Rónáin
Indreabhán
Maigh Cuilinn
Ros Muc
An Spidéal
Carna
An Mám
Órán Mór
Cloch na Rón
Gaillimh (Sráid an Mhuilinn)
Áth Cinn
An Clochán
Bóthar na Trá
Ceanncheathrú Réigiúin an Iarthuaiscirt, an Rinn Mhór
Dún na nGall
An Fál Carrach
An Bun Beag
An Clochán Liath
An Charraig
An Craoslach
Ard an Rátha
Carraig Airt
Dún Fionnachaidh
Na Gleannta
Bealach Féich
Cill Mhic Réanáin
Ciarraí
Daingean Uí Chúis
Baile an Fheirtéaraigh
Cathair Saidhbhín
Caisleán Ghriaire
Cill Orglan
An Caladh
An tSnaidhm
An Coireán
Maigh Eo
Gob an Choire
Béal an Mhuirthead
Gleann na Muaidhe
Iarthar Chorcaí
Baile Bhuirne
Béal Átha an Ghaorthaidh
An Chláir
Inis
No comments