Éamon Ó Cuív (Galway West, Fianna Fail)
Link to this: Individually | In context | Oireachtas source

612. To ask the Minister for Environment, Community and Local Government cén méid airgid a bhí ceadaithe ag MFG do thograí sula ndearnadh é a leachtú, cén méid den airgead sin atá íoctha amach agus é briste síos idir na comhlachtaí ar fad a bhí ag íoc amach airgid don chomhlacht seo; an méid atá fós le híoc; agus an ndéanfaidh sé ráiteas ina thaobh. [27609/13]

Phil Hogan (Carlow-Kilkenny, Fine Gael)
Link to this: Individually | In context | Oireachtas source

Tháinig deireadh le trádáil ag Meitheal Forbartha na Gaeltachta, MFG, ar 7 Meán Fómhair, 2011, mar gheall ar dhócmhainneacht an chomhlachta. Ina dhiaidh sin, d’iarr mo Roinn léiriú spéise i ról MFG sna ceantair sin a thógáil ar láimh ar na Comhlachtaí Forbartha Áitiúla (CFÁs) eile. Tugadh Toghranna Ceantair Gaeltachta cóngaracha d’ ocht CFÁs faoi chonarthaí leasaithe ag deireadh 2012 ina dhiaidh sin.

Is é an t-aon cheantar Gaeltachta atá fágtha nach bhfuil clúdaithe faoi láthair ná ceantar Mhaigh Eo Thuaidh. Faoi láthair tá an Roinn ag déanamh measúnú ar léirithe spéise atá curtha faoina bráid le déanaí ag soláthraithe seirbhíse eile ina thaobh seo, agus tá cinneadh beagnach déanta ina thaobh anois. Faoin am a ndearnadh MFG a leachtú bhí maoiniú glan de €4.5 milliún dáilte ar thograí agus suim de €1.99 milliún íoctha amach, ag fágáil fuílleach de €2.5 milliún de thograí oidhreachta.

Le déanaí chuir mo Roinn críoch le hathbhreithniú iomlán ar chaiteachas faoi gnéithe LEADER den Chlár um Fhorbairt Tuaithe 2007-2013 chun an méid maoinithe a bhí fágtha a dháileadh ar na CFÁs go léir atá fostaithe chun an Clár a sholáthar. Mar chuid den phróiseas seo, rinneadh €6 milliún a sholáthar do na ceantair Ghaeltachta a raibh Meitheal Forbartha na Gaeltachta ag freastal orthu cheana. Mar chéad chéim, rinne mo Roinn maoiniú de €3.04 milliún a sholáthar chun freastal ar na comhaid oidhreachta de chuid MFG agus a gcostais riaracháin. Sa tábla thíos tá na sonraí maidir leis na leithdháiltí nua agus na híocaíochtaí déanta ag na Comhlachtaí Forbartha Áitiúla ag 9 Aibreán, 2013.