Caoimhghín Ó Caoláin (Cavan-Monaghan, Sinn Fein)
Link to this: Individually | In context

Question 476: To ask the Aire Oideachais agus Eolaíochta an gcuirfidh sé deireadh leis an éagothromaíocht idir an Scoláireacht Gaeltachta Tríú Leibhéal agus Scoláireachtaí Laochra na Cásca agus Dhonncha Uí Mháille. [33483/08]

Caoimhghín Ó Caoláin (Cavan-Monaghan, Sinn Fein)
Link to this: Individually | In context

Question 477: To ask the Aire Oideachais agus Eolaíochta cad iad na téarmaí tagartha a bhaineann lena athbhreithniú ar an Scoláireacht Gaeltachta Tríú Leibhéal. [33484/08]

Batt O'Keeffe (Cork North West, Fianna Fail)
Link to this: Individually | In context

Tógfaigh mé Ceisteanna 476 agus 477 le chéile.

Oibríonn mo Roinnse roinnt scéimeanna scoláireachta tríú leibhéal. Tá critéir, riachtanais, agus cuspóirí éagsúla ag na scéimeanna seo agus dá réir sin is cuí go mbeadh téarmaí agus coinníollacha éagsúla ag baint le gach aon cheann acu.

Tá sé i gceist athbhreithniú a dhéanamh i rith na bliana acadúla seo chugainn ar na trí scéimeanna scoláireachta Gaeilge tríú leibhéal atá ann faoi láthair, d'fhonn a n-éifeacht maidir le comhlíonadh a gcuspóirí a mheas. Machnófar raon ceisteanna, téarmaí agus coinníollacha na scéimeanna ina measc, i gcomhthéacs an athbhreithnithe seo. Tá téarmaí tagartha don athbhreithniú á machnamh faoi láthair ag mo Roinnse.