Dinny McGinley (Donegal South West, Fine Gael)
Link to this: Individually | In context

Question 69: To ask the Aire Gnóthaí Pobail, Tuaithe agus Gaeltachta an bhfuil iarratas ina Roinn maidir le hoibreacha ar Oileán Ghabhla; cad iad na hoibreacha atá i gceist agus an gceadóidh sé deontais ina leith. [14981/07]

Éamon Ó Cuív (Galway West, Fianna Fail)
Link to this: Individually | In context

Tá iarratas faighte ag mo Roinnse le déanaí ar chúnamh le haghaidh na hoibreacha seo a leanas a dhéanamh ar Ghabhla:

síneadh a chur le Cé Thrá na mBláithín, balla cosanta a thógáil ar chúl na cé agus soilse sábháilteachta a chur ar fáil;

síneadh a chur le Cé Phort a' Chrainn agus balla cosanta a thógáil ar a cúl;

dramhaíl a thabhairt as an oileán; agus,

bóithre ar an oileán a fheabhsú chun go mbeidís feiliúnach do shiúlóirí.

Tá na hiarratais seo á meas faoi láthair i gcomhthéacs an airgid a bheidh ar fáil dom le caitheamh ar fhorbairt oileán i 2007/2008 agus na n-éileamh éagsúil ar an airgead sin.