Trevor Sargent (Dublin North, Green Party)
Link to this: Individually | In context

Question 27: To ask the Aire Gnóthaí Pobail, Tuaithe agus Gaeltachta an ndéanfaidh sé cur síos ar thionchar na rialachán a rinne sé a bhaineann le comharthaí bóithre, fógairtí béil, stáiseanóireacht agus le fógraí i gcoitinne, agus an bhfuil feabhas suntasach ar mhéid agus ar chaighdeán na Gaeilge a bhíonn le feiscint mar a raibh sé ag súil leis. [5786/05]

Éamon Ó Cuív (Galway West, Fianna Fail)
Link to this: Individually | In context

Mar a thug mé le fios i bhfreagra ar Cheist Dála Uimh. 79 ar 14 Nollaig 2004, tá mo Roinnse ag obair, i gcomhar le hOifig an Dréachtóra Parlaiminte, ar dhréacht de na Rialacháin a dhéanfar faoi Alt 9(1) d'Acht na dTeangacha Oifigiúla 2003. Tuigfidh an Teachta nach mór do mo Roinn-se, mar chuid lárnach don phróiseas, dul i gcomhairle le Ranna Rialtais eile maidir leis an ábhar seo sula gcuirfidh mé na rialacháin i bhfeidhm. Ó tharla gur rialacháin cuimsitheacha a bhaineann le hábhair éagsúla atá i gceist, níl i gceist agam teora ama sonrach a lua leis an bpróiseas comhcomhairle seo. Tá sé mar sprioc agam, áfach, go mbeidh na rialacháin déanta roimh lár na bliana reatha agus tá súil agam go gcloífear leis sin.

Cé nach féidir liom mionsionraí a tabhairt go dtí go mbeidh na Rialacháin déanta, is féidir liom a rá go bhfuil dhá bhunphrionsabal lárnacha sa cheist seo. Tá sé i gceist agam go mbeidh rogha idir Ghaeilge, nó Gaeilge agus Béarla, a úsáid. Ní bheith an triú rogha — Béarla amháin — dlíthiúil níos mó. Beidh forálacha ar leith ag baint leis an nGaeltacht. An dara rud ná go gcaithfidh an Ghaeilge a bheith ar a laghad ar chomh-thaispeántacht leis an mBéarla ar aon chomhartha sa chás go roghnófar an dá theanga oifigiúil a úsáid.