Éamon Ó Cuív (Galway West, Fianna Fail)

Tá an ceart ag an Seanadóir go bhféadfadh sé tarlú go dtógfadh sé trí bliana chun an Achta a chur i bhfeidhm. Shíl mé go raibh sé tábhachtach – mar go bhfuil codanna éagsúla den Acht i gceist – go mbeadh teorainn ama faoi achtú an Achta. Maidir leis an gcoimisinéir, ar an bpointe go gceapfar an chéad phlean, fiú muna bhfuil an Bille ar fad feidhmithe, beidh orainn coimisinéir a cheapadh mar beidh orainn an plean a thabhairt dó. Tá sé i gceann de na haltanna go gcaithfear an plean a thabhairt don gcoimisinéir. Muna mbeidh coimisinéir ann, ní bheimid in ann sin a dhéanamh. Ar an bpointe go bhfeidhmeofar an Bille seo agus é ina Acht, beidh orainn an coimisinéir a cheapadh mar beidh ar an Aire na pleananna a thabhairt dó.