Dáil debates
Thursday, 12 November 2015
Ceisteanna - Questions - Priority Questions
Seirbhísí Eitilte
9:40 am
Pearse Doherty (Donegal South West, Sinn Fein) | Oireachtas source
Gabhaim mo bhuíochas leis an Aire Stáit. Is é an rud atá déanta ag an Aire Stáit ná stair na ceiste seo a chur os comhair an Tí. Tá eolas maith againn ar an stair. Tá scata ceist faoi leith agamsa. An bhfuil an próiseas úr tosaithe ó thaobh an PSO fá choinne na ceithre bliana amach anseo? An bhfuil an Oifig um Sholáthar Rialtais ag plé leis an gceist seo arís? Má tá, an bhfuil critéir nua leagtha amach fá choinne an PSO ar feadh na ceithre bliana sin? An féidir leis an Aire Stáit iad san a fhoilsiú? An gcinnteoidh na critéir seo gur seirbhís as Aerfort Chonamara a bheidh ann san tairiscint úr? An seirbhís eitleán sciatháin dhobhogtha a bheidh ann? An mbeidh ionadaithe ar son phobal na n-oileán ar an painéal measúnaithe? Cén scála ama a bheidh ann agus tairiscint á dhéanamh agus deireadh leis an bpróiseas seo?
No comments