Dáil debates
Thursday, 6 March 2014
Ceisteanna - Questions - Priority Questions
Scéimeanna Teanga
9:40 am
Dinny McGinley (Donegal South West, Fine Gael) | Oireachtas source
Ní shílim go bhfuil aon mhoilliú i gceist i dtaobh na scéimeanna teanga. Is dóigh liom gur a mhalairt atá fíor. Tá 185 comhlacht clúdaithe ag 113 scéim teanga i láthair na huaire. Aontaíodh 16 scéim úr anuraidh. Tá sé scéim eile daingnithe go dtí seo i mbliana. Tá foireann iomlán curtha le chéile anois agus beidh siad ag feidhmiú ar scéimeanna teanga as seo amach. Tá teagmháil déanta le 121 comhlacht poiblí eile. Tá comhráite agus plé ar siúl leo i láthair na huaire maidir le scéimeanna teanga. Caithfidh an Teachta a aontú gur dul chun cinn é sin. Is cuma cén dóigh a n-amharcann an Teachta ar an ábhar seo - is léir go bhfuilimid ag cur níos mó saothair, níos mó oibre agus níos mó béime ar scéimeanna teanga a aontú ná mar a tharla le fada.
No comments