Dinny McGinley (Donegal South West, Fine Gael)

Is í an deacracht atá ann ná go bhfuil an Ghaeltacht ag athrú. Blianta ó shin, bhí Gaeilge ag gach éinne sa Ghaeltacht, ach anois b'fhéidir go bhfuil teaghlaigh measctha ann ina bhfuil Gaeilge ag an athair agus Béarla ag an mháthair, nó an dóigh eile. Cothaíonn seo deacrachtaí. An aontódh an Aire go mbeadh fiúntas i scéim a chuirfeadh daoine speisialta ar fáil chun cabhair a thabhairt do theaghlaigh ina bhfuil an dá theanga sa teach, fá choinne cuidiú leis na páistí feabhas a chur ar an teanga? Nuair a bheidh an straitéis scrúduithe agus léite ag an Aire agus curtha roimh an Rialtas, an mbeidh sé sásta macnamh a dhéanamh ar thacaíocht a thabhairt do scéim mar sin?

See this speech in context