Dáil debates
Tuesday, 11 October 2005
Physical Education Facilities.
3:00 pm
Mary Hanafin (Dún Laoghaire, Fianna Fail)
Mar is eol don Teachta, bhuail mé le grúpa ón scoil, agus tá seanaithne agus ardmheas agam ar an bpríomhoide, ós rud é go rabhamar sa choláiste agus ag díospóireacht chraobh na hÉireann le chéile. Ba bhreá liom bronntanas breá a thabhairt do gach aon scoil in Éirinn, agus go háirithe do scoil mar sin. In ainneoin go bhfuil €500 milliún á chaitheamh agam ar fhoirgnimh i mbliana sa chóras oideachais, tá rátú 4 tugtha do gach aon halla PE sa tír. Ní hé go bhfuil rátú 4 tugtha do Ghaoth Dobhair go díreach. Sa chéad dul síos, caithfidh mé an t-airgead a chaitheamh ar ranganna agus scoileanna nua, ar scoileanna do dhaltaí le riachtanais speisialta agus, ar ndóigh, ar scoileanna in áiteanna nach bhfuil scoil ar bith ann. Ba bhreá liom ní ba mhó a dhéanamh air sin, ach caithfidh mé féachaint cén saghas airgid a bheas agam an bhliain seo chugainn. Más féidir liom aon rud a dhéanamh, cuirfidh mé an phobalscoil san áireamh, ach go dtí sin, ní féidir liom aon rud a fhógairt.
No comments