Mr. Stiof?n Seoighe:

Is ceist mhaith í sin. Aontaím leis an moladh i bprionsabal agus sílim go n-aontódh an chuid is mó de dhaoine san áit leis sin mar bheadh seans i bhfad níos fearr go mbeadh ionadaí - bíodh an t-ionadaí sin as Gaillimh, b'fhéidir - i bhfad níos giorra den mbaile acu. Ach nuair a léigh mé an píosa, rith an cheist liom maidir le cén bealach is fearr an tuairim sin a bhailiú go hoifigiúil nó go foirmiúil. D'fhéadfaí teagmháil a dhéanamh le coistí, deis a thabhairt do choistí forbartha agus coistí pobal sa cheantar aighneachtaí a chur i scríbhinn agus ar an gcaoi sin é a dhéanamh tríd na coistí pobal a bheith mar ionadaithe ar na ceantair éagsúla.