Éamon Ó Cuív (Galway West, Fianna Fail) | Oireachtas source

An cheist atá ann, agus is ceist í nach féidir le héinne a fhreagairt ach muintir dheisceart Mhaigh Eo, ná má fhágtar deisceart Mhaigh Eo le tuaisceart Mhaigh Eo, agus bhí aiféala orm cheana gur fhág mé é mar a bhí sé, beidh ionadaíocht acu thuas in Iorras mar is é sin an áit a bhfuil an pobal is láidre. Dá mbeadh siad istigh le Dúiche Sheoigheach, bheadh an duine i bhfad níos giorra don bhaile. B'fhéidir gur Gaillimheach a bheadh ann ceart go leor agus bheadh deacrachtaí móra leis sin. Tuigim é sin. Cén chaoi is fearr a fháil amach ón bpobal cé acu ab fhearr leo?