Éamon Ó Cuív (Galway West, Fianna Fail)
Link to this: Individually | In context | Oireachtas source

Tá fadhb ann. Sé sin, tá an tAire ceangailte le gníomhaíochtaí an Fheidhmeannais. Dá mbeadh an Feidhmeannas ag feidhmiú, b’fhéidir nach bhfaigheadh an Rialtas mórán airde uaidh ach oiread mar nach bhfuil mórán airgid sa Tuaisceart. Táthar gann ar airgead le haghaidh chuile shórt. Cuireann sé sin srian ar an méadú caiteachais ar an nGaeilge taobh amuigh den Ghaeltacht ar an oileán seo, Thuaidh agus Theas. Bhí moladh sa straitéis 20 bliain don Ghaeilge maidir leis seo. Dá gcuirfí i bhfeidhm é, thabharfadh sé cead don Stát airgead a thabhairt don údarás le caitheamh ar fud an oileáin nó in áit ar bith ar domhan, go deimhin, le nach mbeadh muid sáinnithe le heaspa maoinithe ón Tuaisceart. An bhfuil aon rún ag an Aire é sin a chur i bhfeidhm?