Oireachtas Joint and Select Committees
Thursday, 20 April 2023
Joint Committee on the Irish Language, the Gaeltacht and the Irish Speaking Community
Leithdháileadh Airgid ar an nGaeilge agus ar an nGaeltacht agus Buiséad TG4: An tAire Turasóireachta, Cultúir, Ealaíon, Gaeltachta, Spóirt agus Meán
Catherine Martin (Dublin Rathdown, Green Party) | Oireachtas source
I mbliana, tá soláthar iomlán os cionn €18 milliún i Meastacháin mo Roinne do chomhoibriú tras-Teorann, lena n-áirítear leithdháileadh os cionn €17 milliún chun tacú le hobair an Fhorais Theanga, chun an Ghaeilge a chur chun cinn i ngach gné den saol ar fud an oileáin agus chun feasacht agus úsáid níos leithne na hUltaise agus cultúr na hUltaise a chur chun cinn, chomh maith le maoiniú chun gealltanas Gaeilge a chomhlíonadh faoi New Decade, New Approach.
Méadaíodh an maoiniú d'áisíneachtaí an Fhorais Theanga, Foras na Gaeilge agus Gníomhaireacht na hUltaise in 2021 agus arís in 2022. Anuraidh, chuir mo Roinn maoiniú breise de €700,000 ar fáil do chomhoibriú tras-Teorainn in earnáil na dteangacha. De thairbhe nach raibh Feidhmeannas Thuaisceart Éireann ag suí agus nár reáchtáladh cruinnithe den Chomhairle Aireachta Thuaidh-Theas, CATT, le linn 2022, níorbh fhéidir leis na Ranna aontú ar ardú, de thairbhe nár reáchtáladh cruinniú de chuid na comhairle in earnáil na dteangacha le go bhféadfaí an buiséad a mhéadú. Caithfear aontú na Roinne Pobail sa Tuaisceart a fháil maidir le buiséad an Fhorais Theanga agus faomhadh CATT dá réir. Ceall Feidhmeannas an Tuaiscirt a bheith ag suí, beidh soláthar an Fhorais Theanga don bhliain seo, 2023, amhail buiséad na bliana 2022. Tá an soláthar d’Fhoras na Gaeilge os cionn €12 milliún, nó 75% d’ollbhuiséad CATT. Is os cionn €760,000 atá buiséad Ghníomhaireacht na hUltaise, nó 25% de bhuiséad CATT.
No comments