Aengus Ó Snodaigh (Dublin South Central, Sinn Fein)
Link to this: Individually | In context | Oireachtas source

Gabhaim buíochas leis na finnéithe. Níl mé ag súil le hathrú thar oíche. Tuigim cé chomh mall agus a tharlaíonn athruithe agus aithníonn Tusla gur gá an t-athrú seo.

Tagraím don mhéid a dúirt an tUasal Smyth faoi na cigirí luathbhlianta a théann isteach i naíscoileanna. An bhfuil Gaeilge acu siúd ar fad a thugann cuairt ar scoileanna sa Ghaeltacht? Cad faoi lasmuigh den Ghaeltacht? Tá a lán naíonraí nó réamhscoileanna atá lasmuigh den Ghaeltacht, agus tá an fhoireann ag freastal ar na páistí as Gaeilge, ach an mbíonn orthu athrú go Béarla chun labhairt leis an gcigire nuair a thagann sé nó sí isteach? Más fíor é sin, conas is féidir a dhéanamh cinnte de nach dtarlaíonn sé sin amach anseo?