Oireachtas Joint and Select Committees
Tuesday, 4 April 2017
Joint Standing Committee on the Irish Language, the Gaeltacht and the Islands
Riachtanas Gaeilge: Ollscoil na hÉireann, Gaillimh
5:00 pm
Mr. Gearóid Ó Conluain:
Más féidir liom cur leis an méid a dúirt an t-uachtarán, nuair a bhíonn sé i gceist folúntas a líonadh, bíonn sé mar dea-nós imeachta go ndéantar athbreithniú ar an bpost agus ar an disciplín óna dtagann an post. I gcás na Gaeilge, is dóigh go raibh cúiseanna breise leis an athbhreithniú sin. Tuigeann an choiste go rímhaith, mar pholaiteoirí agus mar Theachtaí a bhfuil spéis acu sa Ghaeilge, go bhfuil go leor céimithe sa tír seo ag teacht amach le céimeanna onóracha agus nach bhfuil ar a gcumas cómhrá a dhéanamh trí mheán na Gaeilge. Tá bliain bhreise le dul leis an gcéim atá againne a bheas bunaithe ar an gcaint, ar an módh cumarsáide agus ar na scileanna beochumarsáide a bheidh ag teastáil amach anseo. Sin cúis breise amháin go raibh orainn an t-athbhreithniú sin a dhéanamh ar an ollúnacht agus ar an bpost.