Catherine Connolly (Galway West, Independent) | Oireachtas source

Tagraím don phointe ó thaobh inscne de agus ó thaobh tuarastail amháin de. Luaigh an tAire Stáit an prionsabal "duine amháin, tuarastal amháin". Luaigh Anna Ní Ghallachair é sin mar phríomhbhac agus mar rud atá thar a bheith míchothrom agus ag cur ar bac, go háirithe ar na mná ar an mbord. Dúirt sise go raibh na mná ag obair go crua, cosúil le gach bean, ach gan na táillí céanna á shaothrú acu. Sin constaic mhór agus ní fiú dúinn breathnú air sin. Dúirt an tAire Stáit go raibh na mná thíos ó thaobh na rialacha sin i bhfad níos mó ná daoine eile.