Ms Anna N? Ghallachair:

Aontaím leis sin. Ní raibh cuid ar bith de na ceisteanna seo pléite againn roimh ré agus tá mé féin agus Micheál Ó hÉanaigh ar aon tuairim faoi go leor rudaí. Luaim rud nach bhfuil pléite againn, is é sin cúrsaí saoire mháithreachais. D'fhéadfaí an cur chuige céanna a úsáid sa chás sin. Mar shampla, dá mbeadh toghchán agus an duine sa chéad áit eile a thabhairt isteach mar ionadaí, mar shampla sa chás go raibh duine tinn ar thinneas fadtéarmach - agus tá súil agam nach dtarlódh sé sin - nó mar shampla, duine amuigh ar shaoire mháithreachais, go mbeadh ionadaí acu don tréimhse sin. Bhí mná a raibh páistí acu i rith an ama nuair a bhí an dá bhord ann agus ní raibh siad i dteideal saoire ar bith a bheith acu. Ní raibh sé sin ceart agus bhí cuid acu nach raibh ag fáil táille agus a bhí ag teacht lena gcuid páistí agus le cúramóir leis an leanbh agus araile chuig na cruinnithe. Ní raibh sé sin ceart agus caithfimid dul i ngleic leis seo.