Mr. Miche?l ? h?anaigh:

An tuairim a bheadh agamsa ná, má tá sé inghlactha, an duine a bhí sa chéad áit eile sa toghchán a roghnú, ó thaobh an daonlathais a choinneáil láidir ann. Má tháinig duine éicint tríd an gcóras PAS, b'fhéidir an chéad duine eile a bhí ar an bpainéil, d'fhéadfaí an duine sin a roghnú. B'shin an dá bhealach a bheadh cothrom. Tá córas PAS ann agus bíonn sé ag breathnú ar roinnt mhaith daoine agus téann méid áirithe chun cinn. Tá mé cinnte go bhfuil daoine feiliúnacha ann, agus mar a deirim, má tá painéil ann is féidir leis an Aire tarraingt ar an gcéad duine eile atá feiliúnach. I dtaobh na toghcháin, an rud is éasca ná an duine a tháinig sa chéad áit eile a phiocadh. Dá mbeadh socrú ann, má tharlaíonn rud ar bith agus má tá an duine sin sásta, ba cheart dóibh teacht ar aghaidh. Choinneodh sé sin an gné daonlathach.