Seán Kyne (Fine Gael) | Oireachtas source

Cuirim fáilte roimh na finnéithe. Gabh mo leithscéal go raibh mé deireanach; bhí mé sa Seanad. Léigh mé na ráitis ar maidin. Bhí ceist ag an Teachta Connolly maidir le tithe a cheannach. Tá cearta ón mBunreacht i gceist ansin mar go bhfuil ceart ag daoine a dtalamh nó a dteach a dhíol gan aon choinníollacha. Sin rud eile.

Tá ráitis Anna Ní Ghallachair an-suimiúil, go mór mór an píosa deireanach. Sin, i mo thuairim, an crux den ábhar - an bhfuil muid ag caint faoi bhord Stáit nó comhairle contae don Ghaeltacht? Tá na deacrachtaí curtha in iúl go maith ansin. Mar iarchathaoirleach, an bhfuil a fhios aici ar labhair comhaltaí eile den bhord leis na meáin faoi rudaí a bhí ag dul ar aghaidh ag cruinnithe?