Ms Anna N? Ghallachair:

Ag an tús, bhí deacracht ag na comhaltaí, go háirithe comhaltaí ar iarionadaithe a toghadh a bhí iontu, an cheist sin a thuiscint. Thuig muid é sin sa mhéid is go bhfuil sé iontach deacair, má tá deich mbliana nó 20 bliain caite ag duine mar ionadaí pobail atá cleachtadh acu a bheith ag tabhairt aiseolas don phobal, é sin a bheith athraithe go tobann agus nach féidir an t-aiseolas sin a thabhairt. B’fhéidir gur sceitheadh corr rud anseo agus ansiúd, agus níl a fhios agamsa cé a sceith na hábhair sin, ach ní rudaí móra a bhí iontu ar chor ar bith. Amanna b’fhéidir go mbeadh daoine ag caint ar bhealach ghinearálta agus go mbeadh tuiscint dhifriúil idir an méid a bhí ráite acu agus an rud a bhí i gceist acu féin. Ar an iomlán, tá mé sásta nach raibh na comhaltaí ag labhairt leis na meáin. Thuig siad go maith agus tugadh le fios dóibh nach sin an ról a bhí acu a thuilleadh. Mar a deirim, bhí seanchleachtadh acu ar chóras eile so thuig muid go raibh sé deacair ach bhí siad sásta glacadh leis an bpointe.