Mr. Miche?l ? h?anaigh:

Níl aon choinníollacha teanga ann. Luaigh an Teachta foirgnimh an údaráis. Chuirfinn an-bhéim air sin. Bhí an t-ádh ar an údarás le roinnt blianta anuas gur cuireadh an bunstruchtúr sin isteach sna 1970idí agus 1980idí. Thóg sé airgead mór athchóiriú a dhéanamh ach bhí siad ann le hathchóiriú a dhéanamh orthu. Tá go leor fostaíochta ar an talamh san údarás sa lá atá inniu ann agus go leor de sin mar gheall ar na foirgnimh sin. Níor mhaith liom go gcaillfeadh an t-údarás an buntáiste comparáideach sin a bhí acu go dtí seo.

Ag caint ar an gcineál fostaíochta, tá go leor den fhostaíocht atá leagtha amach i straitéis an údaráis anois bunaithe ar acmhainní nádúrtha na Gaeltachta mar an fharraige, an eacnamaíocht ghlas, an cultúr agus mar sin. Níltear ag brath go huile agus go hiomlán air sin ach is cuid thábhachtach atá ann.