Ms Sorcha N? Ch?illeachair:

Aontaím leis an Teachta. Labhair mé ar an teacht aniar seo atá sa Ghaeltacht. Tá baint éigin aige sin leis an nglúin óg tuismitheoirí. An ghlúin is óige de na tuismitheoirí atá ann anois, sin na tuismitheoirí a d’fhás aníos le TG4, mar shampla, agus leis na cartúin ina dteanga féin. B’fhéidir go raibh níos mó cainte faoi chúrsaí oideachais agus an Ghaelainn i gcúrsaí oideachais agus mar sin. Fiú mura bhfuil an cinneadh déanta acu go comhfhiosach go ndéanfaidh siad é seo, sin an t-eolas a bhí acu agus iad ag fás aníos i gceantar Gaeltachta. Bhí sé sin sa phobal agus i bhfeidhm orthu. Ní hé gur cinneadh é ach gur rud é a bheidís ag déanamh. Tá mise ag ceapadh go bhfuil baint aige sin leis an nglúin is óige de thuismitheoirí atá sa Ghaeltacht faoi láthair.