Éamon Ó Cuív (Galway West, Fianna Fail) | Oireachtas source

Tá scéal barrúil agam. Bliain amháin bhí mé féin agus Síle de Valera istigh ag cuardach airgead ó Charlie McCreevy agus bhí sé ag diúltú chuile shórt - mo chol ceathrair bocht. Thosaigh muid ag caint ar TG4 agus dúirt mise leis ansin go raibh muid ag cothú meánaicme labhartha Gaeilge sa Ghaeltacht. Feictear go ginearálta i gcúrsaí socheolaíochta chomh tábhachtach is atá sé sin. Thuig sé ar an bpointe, lena cheart a thabhairt dó, agus thug sé an t-airgead. Sin atá i gceist agam. Nuair atá an rud tarraingteach, feiceann daoine an luach. Leathchéad bliain ó shin, chonaic siad gur uallach trom a bhí ann ar dhaoine dul ar imirce gan Béarla. Tá an tiontú sin ag tarlú.