Mr. Antoin ? Coinn:

Ní dhéanann sé aon chiall dúinne má bhíonn díolúine ag scoláirí sa Ghaeilge ach déanann siad staidéar ar theanga Eorpach. Is dearcadh diúltach i leith na Gaeilge é sin a thosaíonn, b'fheidir, sa bhunscoil. B'fhéidir nach bhfuil cumas teanga ag na tuismitheoirí cuidiú lena gcuid obair bhaile. Leanann an dearcadh sin tríd an turas foghlama a bhíonn acu.

Ar fud na hEorpa, áit ina bhfoghlaimítear Béarla mar dhara teanga, ní bhíonn díolúintí ar fáil. Glactar leis má bhíonn riachtanais foghlama ag foghlaimeoirí, leanann siad ag foghlaim an Béarla go cibé leibhéal atá oiriúnach dóibh. Tá na scileanna i leith na Gaeilge díreach mar an gcéanna le teangacha eile maidir le foghlaim, scríobh, léamh, agus éisteacht, agus tá na modhanna foghlama cosúil lena chéile. Muna bhfuil gá le díolúine sa Ghaeilge a bhronnadh, ní gá iad a bhronnadh i dteanga eile chomh maith.