Ms Bl?thnaid N? Ghr?ach?in:

Tá rud éigin mór ag tarlú i bhfolús. Táim ag caint faoin mórpholasaí, mórsprioc agus mórfhís don teanga. Nuair a smaoinítear ar na hathruithe atá beartaithe agus ar na comhairliúcháin atá ar bun maidir leis an nGaeilge ag leibhéal na sraithe sóisearaí agus na sraithe sinsearaí, tá sé dochreidte go bhfuil sé sin ar fad ag dul ar aghaidh agus á bhrú chun tosaigh in ainneoin nach dtuigimid céard é an sprioc atá ann don teanga ar fad. Cuireadh an polasaí um oideachas Gaeltachta le chéile agus, mar a d'aithníodh, tá ag éirí go maith leis. Ansin, cuireadh tic sa bhosca sin agus anois táthar ag breathnú ar an bpolasaí don oideachas lán-Ghaeilge. Breathnófar air sin. Ag an am céanna, tá cinntí á nglacadh faoi rudaí eile a imríonn tionchar ar na rudaí seo. Níl aon chomhordú ceart fréamhaithe sa mhórcheist, is é sin, cad é an sprioc atá againn don teanga agus don tsochaí ó thaobh an dátheangachais de?