Ms Bl?thnaid N? Ghr?ach?in:

Ag teacht leis an méid a dúirt Julian de Spáinn, níl aon dream ag séanadh go bhfuil córas de shaghas éigin de dhíth ó thaobh córas na ndíolúintí ach é a bheith dírithe ar an gcéatadán beag de pháistí a bhfuil riachtanais thromchúiseacha acu. An moladh a bheadh agamsa ná go mbeadh stop curtha leis an gcóras reatha agus go mbeadh muid ag díriú ar an 4% nó 3% nó cibé figiúr atá ann. Ansin, ba chóir go mbeadh athbhreithniú mar is ceart ann, an t-athbhreithniú a raibh muid i dteideal curtha sa tsúil. Ba bhreá liom dá mbeadh an comhchoiste in ann tionchar a imirt air sin chun go mbeadh athbhreithniú déanta ní amháin ar fhachtóirí cainníochtúla, ar nós na staitisticí, na figiúirí agus na treochtaí ar fad, ach ar fhachtóirí cáilíochtúla, mar shampla, na cúiseanna a bhfuil siad ann agus an tionchar atá sé seo ag imirt. Mar chuid de sin, mar a luaigh Mícheál S Mac Donnacha, go mbeifí ag breathnú ar céard iad na cláir teanga tacaíochta atá de dhíth don chohórt sin atá idir an 4% sin agus an 1% reatha.