Éamon Ó Cuív (Galway West, Fianna Fail) | Oireachtas source

Cén fhad a thógfaidh an próiseas seo? An rud a chuireann sé i gcuimhne domsa ná geata ar oscailt ar gharraí lán de bheithígh. Cuireadh próiseas mór fada ar bun ag iarraidh oibriú amach ar feadh na mblianta cén chaoi an geata a dhúnadh, agus idir an dá linn, tá na beithígh ar fad éalaithe. An fhadhb atá ná má fhásann líon na ndíolúintí, is cuma cén polasaí a bheidh ann, beidh sé an deacair an geata a dhúnadh. Beidh sé ródhéanach a rá “Sorry, ní bheidh na díolúintí chomh héasca agus a bhí.” Is é sin an faitíos atá ormsa. An bhfuil réiteach gearrthéarmach idir an dá linn go dtí go bhfuil an rud cuimse á dhéanamh againn? An rud is fearr leis an Stát ná rud a bheith thar a bheith cuimse. Caitear trí, ceithre nó cúig bliana ag réiteach plean. Feicimid é ar na hoileáin. Níl tada ag tarlú na hoileáin ach tá plean á réiteach. Oh my God, tá an oiread sin pleananna sa Stát seo. Dá gcuirfí cuid de na pleananna i bhfeidhm, bheadh sé i bhfad ní b'fhearr. Is gníomh práinneach atá i gceist. Dá mbeadh duine ag cur fola, is é an chéad rud a dhéanfaí ná buadán a chur leis nó léi chun an fhuil a stopadh, agus ansin cuireadh cóir leighis eile air nó uirthi. Is é sin mo dhearcadh. An bhfuil éinne eile le plean níos sciobtha mar tá an rud seo ag éalú uainn?