Éamon Ó Cuív (Galway West, Fianna Fail) | Oireachtas source

Nuair a tarraingíodh an cúram isteach sna scoileanna, shíl mise go raibh ualach mífhéaráilte curtha ar na príomhoidí atá sna scoileanna chuile lá, a chaithfidh aghaidh a thabhairt ar thuismitheoirí agus ar dhaoine eile atá ag lorg na ndíolúintí. Bheadh sé an-deacair dá bharr a bheith go hiomlán neamhspleách. Is léir go bhfuil teip ar an gcóras mar má tá daoine in ann teangacha Eorpacha a fhoghlaim, níl aon chúis ann nach féidir leo teanga na Gaeilge a fhoghlaim. An bhfuil na heagraíochtaí aontaithe maidir le céard ba cheart a chur in áit? Níl aon fhadhb agam a admháil go bhfuil an córas go hiomlán briste. Níl an polasaí oibiachtúil. Braitheann sé ó scoil go scoil. Tá brú ar na príomhoidí. Mar sin, an bhfuil na finnéithe ag rá gur cheart fáil réidh leis an gcóras atá ann? Céard ba cheart a chur ina áit? An bhfuil na heagraíochtaí éagsúla ar aon tuairim faoi seo nó an bhfuil trí thuairim faoi leith ann?