Dara Calleary (Mayo, Fianna Fail) | Oireachtas source

Táimid ag déanamh gnó eile faoi chúrsaí foilsitheoireachta agus na brúnna atá ar dhaoine ag foilsiú leabhar. Go háirithe domsa nach bhfuil cónaí orm i nGaeltacht, bhí sé an-suimiúil é a chloisteáil. An tseachtain seo caite, bhí plé gairid againn - plé nach raibh ar ábhar an choiste mar sin ní raibh muid in ann filleadh air – faoin gcaoi nach bhfuil mórán Gaeilge ar RTÉ agus go bhfuil na cláir Ghaeilge ar TG4 agus ar RnaG. Níl a fhios agam an féidir le Alan Esslemont labhairt faoi ach an bhfuil RTÉ compordach cúrsaí Gaeilge a fhágáil go TG4 agus RnaG, and to push a couple of buttons, mar a deirtear, ar RTÉ One, RTÉ2 agus cúrsaí raidió RTÉ, nó an féidir i bhfad níos mó a dhéanamh ar son na Gaeilge agus na Gaeltachta ar RTÉ?