Mr. Alan Esslemont:

Chuir an Teachta Ó Cuív an cheist chéanna orm anuraidh nuair a bhí mé os comhair an chomhchoiste seo. Tuigim cén fáth ar bunaíodh “Nuacht TG4” faoi RTÉ nuair a bunaíodh TG4 breis agus 25 bliain ó shin. Ba mhaith liom go ndéanadh RTÉ socrú cosúil le ITN. Sa Bhreatain, cuireann ITN an nuacht ar fáil do ITV, Channel 4, agus Channel 5. Tá fís gach nuacht go hiomlán difriúil. Ní bheadh a fhios ag duine go raibh an comhlacht céanna á chur ar fáil. Ó thosaigh mé, bhí plé fada againn le RTÉ in 2017. Bhí mé ag iarraidh go mbogfadh RTÉ sa treo seo. Beidh mé ag casadh go luath le RTÉ ar an gceist seo. Go háirithe ós rud é go mbeidh duine nua ceaptha go hinmheánach mar cheannaire nuachta, sílim go mbeidh muid in ann dul chun cinn a dhéanamh.

I ndeireadh na dála, is léir go bhfuil caighdeán ard ag iriseoirí RTÉ ach an rud is tábhachtaí dúinne ná go mbainfimid fís agus branda “Nuacht TG4” amach. Aithníonn daoine in Éirinn gur cuid lárnach de shúil eile TG4 é. Faoi láthair, feictear lucht nuachta ag dul thart leis na mic shields agus tá trí bhranda orthu. Bheadh aon duine, go háirithe an lucht féachana, trína chéile ag iarraidh a oibriú amach cé hiad agus céard a dhéanann siad. B’fhearr liom dá mbeadh branda amháin do “Nuacht TG4” agus fís amháin a chuirfeadh ar fáil súil eile.