Dara Calleary (Mayo, Fianna Fail) | Oireachtas source

Cuirim fáilte roimh phlean Alan Esslemont faoi chúrsaí oideachais. Maidir leis an straitéis, Fís tar éis Covid, bhí mé ag ceapadh gur cheart fís idirlín a bheith inti agus dúirt sé go bhfuil TG4 dírithe air sin trí chúrsaí ar an bhfón don Netflix generation.

Ag díriú ar an bpíosa faoin nuacht, an bhfuil sé sin le rá nach bhfuil neamhspleáchas ag TG4 maidir le cúrsaí nuachta, mar go gcaithfidh sé dul le chéile le RTÉ? An bhfuil neamhspleáchas nuachta ag TG4? Dá mbeadh troid ann idir TG4 agus RTÉ, an mbeadh RTÉ in ann troid i gcúinne TG4 maidir le scéalta nuachta?