Oireachtas Joint and Select Committees
Wednesday, 13 April 2022
Joint Committee on the Irish Language, the Gaeltacht and the Irish Speaking Community
Foilsitheoireacht agus Léitheoireacht na Gaeilge: Plé (Atógáil)
Ms Fionnuala Mac Aodha:
Feictear go bhfuil an margadh ann, ach go háirithe, nuair atá deis taistil chuig ócáidí litríochta amhail Éigse na Brídeoige, Féile na Bealtaine agus a leithéid. Ag teacht ar ais chuig acmhainní, tá sé deacair é sin a dhéanamh, nuair nach bhfuil ach beirt ag obair go páirtaimseartha. Tá an margadh ann agus díoltar na leabhair nuair atáthar ag na hócáidí sin, agus leabhair eile nach iad. Is faoi rogha an léitheora atá sé má tá sé deacair nó simplí. Don leabhar is déanaí uainn, táimid tar éis 500 cóip de leabhar filíochta a dhíol. Tá sé ar tí dul isteach sa tríú chló cé nach gceapfaí go mbeadh an margadh sin ann don leabhar ach nuair atá an deis an phoiblíocht a dhéanamh i gceart agus freastal ar na hócáidí cearta, tá an t-éileamh ann agus díreach an phoiblíocht agus an dáileachán a chur lámh le lámh.
No comments