Lorraine Clifford-Lee (Fianna Fail) | Oireachtas source

Cuirim fáilte roimh gach éinne. Is iontach an rud é na finnéithe a fheiceáil os ár gcomhair seachas ar scáileán.

Tá cur síos déanta ag an Aire sa ráiteas fada a chuir sé isteach maidir leis an meitheal a bhfuil curtha le chéile chun scrúdú a dhéanamh ar na fadhbanna a bhaineann le cúrsaí pleanála Gaeltachta agus an clár oibre atá leagtha amach ag an meitheal. Is léir go bhfuil obair fhíorthábhachtach le déanamh aici, agus go ndéanfar an obair ar bhonn leanúnach. Faraor, níl aon ionadaíocht ag Conradh na Gaeilge nó ag pobal na Gaeltachta ar an meitheal seo, rud nach dtagann le dea-chleachtas nó gnáthnósanna in earnálacha eile. An bhfuil an tAire sásta an ionadaíocht sin a chur san áireamh?