Darragh O'Brien (Dublin Fingal, Fianna Fail) | Oireachtas source

Aontaím go bhfuil fadhb an-mhór i dtithíocht sa Ghaeltacht agus leis an teanga ag dul i léag. Dúirt mé é sin i mo ráiteas. Tá orainn rudaí a dhéanamh chun feabhas a fháil ar son muintir na Gaeltachta agus athrú a dhéanamh ar chúrsaí pleanála. Táimid ag obair air sin. Bhí tuarascáil ann ag dul ar ais go 2013, agus mar a dúirt an Teachta, ní fhaca sí aon rud á dhéanamh faoi sin. Táim i ndáiríre faoi na rudaí atá an Rialtas ag déanamh chun an Ghaeilge a spreagadh agus a fheabhsú sa Ghaeltacht. An rud is tábhachtaí chun é sin a dhéanamh ná go mbeidh daoine ábalta cónaí ina gceantair féin.

Aontaím leis sin. Aontaím leis a lán rudaí a dúirt an Teachta. Ar an rural housing policy, tá an obair beagnach críochnaithe. Tá orainn an rural housing policy a chur os comhair an phobail trí public consultation. Is é sin an dlí. Nílim ábalta an rural housing policy a athrú tríd an Oireachtas gan aon public consultation nó gan é a chur os comhair an phobail. Beidh seans ag Tuismitheoirí na Gaeltachta, Conradh na Gaeilge agus eagraíochtaí eile a gcuid smaointe a chur isteach sa phróiseas ag an bpointe sin. Déanann siad sárobair ach tá orm tacaíocht a thabhairt do mhuintir na Gaeltachta. Táim an-dáiríre faoi sin. Tá orainn athruithe a dhéanamh agus tá sé sin á dhéanamh agam anois. Tá rialacháin nua ag teacht, b'fhéidir roimh dheireadh mhí Aibreáin, ach tá orainn iad a chur os comhair an phobail.