Seán Kyne (Fine Gael) | Oireachtas source

Is í ceann de na fadhbanna do thithe sa Ghaeltacht ná go bhfuil an chuid is mó de na ceantair Ghaeltachta, go mór mór san iarthar, lonnaithe i gceantair chaomhnaithe agus áille agus go mbeidh fadhb iontu ó thaobh an radhairc agus rudaí mar sin. Bíonn ar na comhairlí contae na ceantair seo a chaomhnú agus a choimeád mar atá siad. Is í sin an fhadhb go mór mór sa Ghaeltacht. Bíonn sé i bhfad níos deacra cead pleanála a fháil sna ceantair sin mar gheall ar an sórt talaimh atá ann. Ní an Golden Vale atá i gceist sa Ghaeltacht mar is ceantar de phortaigh agus áiteanna caomhnaithe agus is rudaí mar sin atá ann. Is é sin an dúshlán agus an fhadhb mhór atá ann i mo thuairim agus caithfimid aird a thabhairt air sin. Tá a fhios agam go bhfuil tuiscint ag an Roinn faoi na rudaí sin ach caithfimid na rudaí sin a chur san áireamh freisin nuair a bheimid ag déileáil leis an obair seo.