Oireachtas Joint and Select Committees

Friday, 16 April 2021

Select Committee on the Irish Language, the Gaeltacht and the Irish Speaking Community

Bille na dTeangacha Oifigiúla (Leasú), 2019: Céim an Choiste (Atógáil)

Photo of Jack ChambersJack Chambers (Dublin West, Fianna Fail) | Oireachtas source

Ní féidir liom glacadh leis an leasú seo. Tá sé de cheart ag aon duine an Ghaeilge a úsáid in aon chúirt sa tír seo cheana féin. Is cuma cén fáth a bhfuil siad ann - mar fhinné, mar chosantóir, mar ghearánach nó mar íospartach. Tá súil againn cur leis an éileamh ón bpobal ar sheirbhísí trí Ghaeilge sna cúirteanna agus go mbeidh tuiscint ag an bpobal ar na cearta atá acu. Faoin mBille, leasaítear na hailt a bhaineann le toghairm ghiúiré agus fógraí in Acht na nGiúiréithe, 1976, chun foráil a dhéanamh maidir le fógra dátheangach a eisiúint nuair a dhéantar duine a thoghairm chun fónamh mar ghiúróir. Tá an fhoráil seo á lorg ag pobal labhartha na Gaeilge le fada. Ní bheidh mé ag glacadh leis an leasú seo.

Comments

No comments

Log in or join to post a public comment.