Oireachtas Joint and Select Committees
Wednesday, 21 October 2020
Joint Committee on the Irish Language, the Gaeltacht and the Irish Speaking Community
Cúraimí an Choimisinéir Teanga agus Bille na dTeangacha Oifigiúla (Leasú) 2019: An Coimisinéir Teanga
Lorraine Clifford-Lee (Fianna Fail) | Oireachtas source
Tá ceist an-ghearr agam toisc go bhfuilimid faoi bhrú. Cuirim fáilte roimh na finnéithe. Araon leis an Seanadóir Ward, táim i mo chónaí i mBaile Átha Cliath ach is as Contae Phort Láirge mé agus is as an nGaeltacht mhuintir mo mháthar. Tá ceangal ann leis an nGaeltacht sin. Táim i mo chónaí i nDomhnach Bat i mBaile Átha Cliath. Tá an-áthas orainn mar tá Gaelscoil nua ann sa cheantar. Beidh mo mhac óg ag dul go dtí an Ghaelscoil sin. Is rud iontach é. Déanfaidh mé tagairt do Covid-19. Tá ceist ghearr agam maidir leis na srianta nua agus maidir leis an bhfógairt a rinneadh cúpla oíche ó shin maidir le leibhéal 5. Ar tháinig sé amach sa dá theanga? An raibh aon eolas faoi leibhéal 5 ar fáil ar na meáin shóisialta, ar an raidió nó mar sin de?
No comments