Catherine Connolly (Galway West, Independent)
Link to this: Individually | In context | Oireachtas source

45. To ask the Minister for Culture, Heritage and the Gaeltacht maidir le Ceist Uimhir 9 den 19 Meán Fómhair, an ndéanfaidh sé soiléiriú a thabhairt ar an tionscnaimh títhíochta atá faoi chaibidil ag Údarás na Gaeltachta i gcúig shuíomh i Rinn Ó gCuanach, Contae Phort Láirge, ar an gCeathrú Rua, Contae na Gaillimhe agus i gCarraig an tSeascainn, Gaoth Dobhair, Contae Dhún na nGall; agus an ndéanfaidh sé ráiteas ina thaobh. [9639/25]

Patrick O'Donovan (Limerick County, Fine Gael)
Link to this: Individually | In context | Oireachtas source

Tuigim gur cheadaigh bord Údarás na Gaeltachta €250,000 in airgead caipitil ag cruinniú mhí na Nollag 2023 ar obair chomhairleoireachta agus ar thaighde i leith thithíocht a fhorbairt i gceantair Gaeltachta.Tá sé tugtha le fios ag Údarás na Gaeltachta gur cead i bprionsabal atá tugtha ag an mbord agus tá súil ag Údarás na Gaeltachta múnla tithíochta inacmhainne do cheantair Gaeltachta ar fud na tíre a fhorbairt mar thoradh ar an obair seo i gcomhpháirt le geallshealbhóirí leasmhara.Tá obair leanúnach ar súil in iarracht an múnla agus cur chuige nua a fhorbairt. Chuige sin, tuigim go bhfuil Údarás na Gaeltachta ag tabhairt faoi chomhpháirtíocht a cur in áit leis na húdaráis áitiúla, eagraíochtaí tithíochta agus eagraíochtaí ábhartha eile chun tabhairt faoi fhorbairt an mhúnla eiseamláireach seo don trí shuíomh aitheanta agus don gcomhthéacs Gaeltachta trí chéile. Tá ráite ag Údarás na Gaeltachta liom go mbeidh cúrsaí tithíochta mar ábhar seasta ar chlár oibre an bhoird go dtí go mbeidh an múnla forbartha do shástacht an Bhoird. Tá comhráití ar bun leis na húdaráis áitiúla chomh maith le geallshealbhóirí ábhartha eile, an Roinn Turasóireachta, Cultúir, Ealaíon, Gaeltachta, Spórt agus Meán agus an an Roinn Tithíochta, Rialtais Áitiúil agus Oidhreachta ina measc i dtaobh feidhmiú beartas tithíochta Údarás na Gaeltachta. Roghnaíodh na suíomhanna atá i gceist mar thoradh ar athbhreithniú a rinneadh Údarás na Gaeltachta ar phunann maoine na h-eagraíochta. Tá, mar chéad chéim, teacht ar sheirbhísí infreastructúir ag na suíomhanna atá i gceist agus tá na suíomhanna lonnaithe in aice le seirbhísí pobail. Tá beartas tithíochta an Údaráis ag teacht le Straitéis Ghaeltacht Ghlas na h-eagraíochta chomh maith.Tá tugtha le fios dom ag an Údarás go bhfuil an eagraíocht ag obair le páirtithe leasmhara ar roinnt gnéithe éagsúla chun aghaidh a thabhairt ar dhúshláin éagsúla maidir le soláthar agus infhaighteacht tithíochta i gceantair Ghaeltachta. Údarás na Gaeltachta expects to announce in due course further details of measures in the short, medium and long term in conjunction with local authorities, other agencies and Government departments.