Aengus Ó Snodaigh (Dublin South Central, Sinn Fein)
Link to this: Individually | In context | Oireachtas source

33. To ask the Minister for Education and Skills cén dáta faoina mbainfear amach an gheallúint sa Chlár Rialtais faoi dhúbailt a dhéanamh ar sholáthar an Ghaeloideachais; agus an ndéanfaidh sí ráiteas ina thaobh. [23886/24]

Norma Foley (Kerry, Fianna Fail)
Link to this: Individually | In context | Oireachtas source

Tá obair ar bun i mo Roinn faoi láthair maidir le polasaí nua don oideachas lán-Ghaeilge lasmuigh den Ghaeltacht a fhorbairt. Tógfaidh an polasaí seo ar an méid atá a bhaint amach againn faoi láthair faoin bPolasaí don Oideachas Gaeltachta chun tacú le soláthar an oideachais lán-Ghaeilge i gceantair Ghaeltachta.

Agus an polasaí don oideachas lán-Ghaeilge lasmuigh den Ghaeltacht á fhorbairt, tá sé mar aidhm ag mo Roinn na spriocanna seo a leanas a bhaint amach, i measc nithe eile:

• an líon leanaí agus daoine óga atá ag freastal ar scoileanna lán-Ghaeilge a mhéadú, lena n-áirítear tógáil ar an mbunchloch a leagtar síos i suíomhanna foghlama agus cúraim na luath-óige lán-Ghaeilge (mar shampla, naíonraí)
• iniúchadh a dhéanamh ar na deiseanna chun bunú Gaelscoileanna agus Gaelcholáistí a mhéadú mar chuid den phróiseas pátrúnachta
• iniúchadh a dhéanamh ar an gcaoi inar féidir an soláthar múinteoirí agus baill foirne eile a bhfuil ardchaighdeán Gaeilge acu a mhéadú chun freastal ar an éileamh i suíomhanna oideachais lán-Ghaeilge.