Éamon Ó Cuív (Galway West, Fianna Fail)
Link to this: Individually | In context | Oireachtas source

214. To ask the Minister for Housing, Planning, and Local Government an bhfuil sé i gceist aige an comhartha talún “Toit Chonáin” (GA091-012), a théann i bhfad siar sa stair (8,000 bliain), i gCaorán na gCearc, Baile na hAbhann, Contae na Gaillimhe, a shainainmniú ina Shéadchomhartha Náisiúnta agus na cosaintí iomchuí a thabhairt dó dá réir, chun é a chosaint ó chreimeadh cósta agus oibriú farraige; agus an ndéanfaidh sé ráiteas ina thaobh. [14384/23]

Darragh O'Brien (Dublin Fingal, Fianna Fail)
Link to this: Individually | In context | Oireachtas source

Tá an séadchomhartha atá i gceist ar eolas ag Seirbhís na Séadchomharthaí Náisiúnta i mo Roinnse agus tá cosaint dhlíthiúil aige toisc é a bheith san áireamh i dTaifead reachtúil na Séadchomharthaí agus na nÁiteanna arna bhunú faoi alt 12 d’Acht na Séadchomharthaí Náisiúnta (Leasú), 1994. Toisc go bhfuil an séadchomhartha faoi úinéireacht phríobháideach agus nach bhfuil sé faoi mo chaomhnóireacht, níl aon ról dlíthiúil agam faoi láthair maidir le cothabháil nó caomhnú a dhéanamh air. Níl aon phróiseas faoi Achtanna na Séadchomharthaí Náisiúnta chun séadchomharthaí náisiúnta a ainmniú go foirmiúil. I gcásanna ina bhfuilim den tuairim go bhfuil tábhacht náisiúnta ag baint le séadchomhartha (i.e. séadchomhartha náisiúnta) is féidir liom Ordú um Chaomhnú a dhéanamh ina leith má mheasaim go bhfuil sé i mbaol. Mar sin féin, fiú ansin ní bheadh ról agam maidir lena chothabháil agus a chaomhnú mura ndéanfaí úinéir nó caomhnóir díom. Mar atá cúrsaí faoi láthair, is é an chéad chéim chuí ná go ndéanfadh Seirbhís na Séadchomharthaí Náisiúnta iniúchadh ar an séadchomhartha agus breithniú ar na bearta a d’fhéadfadh a bheith oiriúnach agus praiticiúil sna himthosca. Beidh toradh an iniúchta sin, a thuigtear dom a dhéanfar go luath, mar bhonn eolais do ghníomhaíocht bhreise sa chás seo.

Éamon Ó Cuív (Galway West, Fianna Fail)
Link to this: Individually | In context | Oireachtas source

215. To ask the Minister for Housing, Planning, and Local Government ccathain a dheiseofar an dochar a rinneadh don reilig ag an Maoilinn (GA023-002) i bPáirc Náisiúnta Chonamara dhá bhliain ó shin; agus an ndéanfaidh sé ráiteas ina thaobh. [14385/23]

Darragh O'Brien (Dublin Fingal, Fianna Fail)
Link to this: Individually | In context | Oireachtas source

Le linn gnáthobair chothabhála/athsholáthair fálta a dhéanamh laistigh de Pháirc Náisiúnta Chonamara, rinne conraitheoir rianú gairid ar chuadrothar ar fud rian a bhí ag suíomh reilig an Mhaoilinn (GA023-023002) cheana féin. Thug seandálaí a raibh taithí chuí aige/aici ó Sheirbhís na Séadchomharthaí Náisiúnta cuairt ar an suíomh ar an 25 Samhain 2021. Ba é tátal na tuarascála a d’eascair as seo ná go raibh loirg de rochtain feithicle ó chuadrothar le feiceáil feadh an riain ag suíomh na reilige. Cé nach raibh aon fhianaise infheicthe de shuaitheadh suntasach ann, tugadh faoi deara go raibh líon beag clocha curtha as a n-áit. Níl sé soiléir, áfach, má tharla sé sin fad a bhí an cuadrothar ag trasnú an riain nó an raibh tionchair eile i gceist. Tuigeann an tSeirbhís Páirceanna Náisiúnta agus Fiadhúlra (NPWS) go bhfuil siúlóirí cnoic, tréada beostoic agus caorach ag baint níos mó úsáide as limistéar an Mhaoilinn, go háirithe ar an rian a ritheann in aice le suíomh na reilige. Agus aird á tabhairt air sin, tá an NPWS ag smaoineamh ar athródú a dhéanamh ar an mbóthar atá ann cheana féin lena chinntiú go mbeidh an reilig faoi chosaint fós. Tá an NPWS i dteagmháil freisin le Seirbhís na Séadchomharthaí Náisiúnta i ndáil leis an ábhar sin agus déanann ball foirne i bPáirc Náisiúnta Chonamara monatóireacht rialta ar an suíomh.