Catherine Connolly (Galway West, Independent)
Link to this: Individually | In context | Oireachtas source

110. To ask the Minister for Culture, Heritage and the Gaeltacht maidir le ceist 16114/21, cén dul chun cinn atá déanta maidir le Plean Teanga Chathair na Gaillimhe; cén dáta a fhoilseofar an plean; cad é cúis na moille maidir le foilsiú an phlean; agus an ndéanfaidh sí ráiteas ina thaobh. [21873/21]

Jack Chambers (Dublin West, Fianna Fail)
Link to this: Individually | In context | Oireachtas source

Tá plean teanga Chathair na Gaillimhe curtha faoi bhráid mo Roinne ag Foras na Gaeilge agus é á mheas faoi láthair. Táim ag súil go mbeidh mé in ann ceadú an phlean seo a fhógairt go gairid.

Uair amháin atá an plean ceadaithe, beidh maoiniú suas le €100,000 in aghaidh na bliana á chur ar fáil don cheanneagraíocht Gaillimh le Gaeilge thar tréimhse 7 mbliana.  Tabharfaidh an maoiniú seo deis do Ghaillimhe le Gaeilge, a d’ullmhaigh an plean i gcomhar le Comhairle Cathrach na Gaillimhe, Oifigeach Pleanála Teanga a fhostú chun cuidiú lena bhfoireann an plean teanga a chur i bhfeidhm.

Beidh Cathair na Gaillimhe mar an tríú Baile Seirbhíse Gaeltachta atá ceadaithe faoin bpróiseas pleanála teanga, in éineacht le Daingean Uí Chúis agus Leitir Ceanainn.  Agus plean teanga na Gaillimhe á chur i bhfeidhm, táthar ag súil go mbeidh sé mar thacaíocht don Ghaeilge sa chathair agus do mhuintir na Gaeltachta.

Anuas ar phleananna teanga an Eachréidh agus Oirthear Chathair na Gaillimhe a ceadaíodh le tamall anuas, is dul chun cinn suntasach don Ghaeilge sa chathair agus ina timpeallacht a bheidh i gceist le ceadú plean teanga na Gaillimhe.