Éamon Ó Cuív (Galway West, Fianna Fail)
Link to this: Individually | In context | Oireachtas source

260. To ask the Minister for Agriculture, Food and the Marine cén uair atá sé i gceist ag a Roinn comharthaí a chur suas agus an ché a mharcáil le péint bhuí ag treorú paisinéirí maidir leis na coinníollacha sláinte poiblí a bhaineann le scaradh sóisialta ag an gcalafort paisinéirí i Ros a Mhíl; agus an ndéanfaidh sé ráiteas ina thaobh. [6203/21]

Charlie McConalogue (Donegal, Fianna Fail)
Link to this: Individually | In context | Oireachtas source

Tá Lárionad Chuan Iascaigh Ros an Mhíl ar cheann de shé Lárionad Cuain Iascaigh atá faoi úinéireacht na Roinne Talmhaíochta, Bia agus Mara faoi reacht agus atá á oibriú agus á chothabháil ag an Roinn.

Cé gur cuan iascaigh gníomhach atá i Lárionad Chuan Iascaigh Ros an Mhíl sa chéad dul síos is é an príomhbhealach chuig Oileáin Árann é chomh maith.  Tá pointe bordála breá ann do mhuintir Árann agus do lucht turasóireachta na n-oileán a chuireann leis na seirbhísí a chuirtear ar fáil agus le sábháilteacht na ndaoine a bhaineann úsáid as Lárionad Chuan Iascaigh Ros an Mhíl.

Táim sásta go bhfuil na socruithe atá i bhfeidhm ag an teirminéal farantóireachta láidir agus eolach go huile agus go hiomlán ar threoirlínte Sláinte Poiblí agus an gá atá ann an pobal a choinneáil slán agus feasach araon maidir leis na riachtanais. Ar na socruithe sin tá, comharthaí móra ag an trí phontún, córas aontreo a fhágann go bhfuil paisinéirí in ann imeacht den bhád i dtosach, go bhfuil na paisinéirí atá ag fanacht le dul ar bord á dhéanamh sin i scuaine atá ag cloí leis an scaradh sóisialta, scuaine atá leagtha amach le cóin a bhfuil 2.5m eatarthu agus tá díghalrán lámh ar fáil chomh maith.

Tá a bprótacail agus comharthaíocht féin ag an gcuideachta farantóireachta chomh maith anuas ar na bearta seo.