Éamon Ó Cuív (Galway West, Fianna Fail)
Link to this: Individually | In context | Oireachtas source

1149. To ask the Minister for Agriculture, Food and the Marine céard iad na céimeanna atá i gceist aige a thógáil chun an stoc portán agus gliomach a chaomhnú timpeall an chósta de bharr an mhéid iascach atá a dhéanamh orthu; an bhfuil sé i gceist aige srian a chur ar iascach gliomach an t-am seo den bhliain amach ó na hoileáin chun an stoc a chaomhnú do na báid bheaga nach bhfuil in ann cur chun farraige go sabháilte an t-am seo den bhliain; agus an ndéanfaidh sé ráiteas ina thaobh. [1369/21]

Charlie McConalogue (Donegal, Fianna Fail)
Link to this: Individually | In context | Oireachtas source

Tá roinnt bearta caomhnaithe i bhfeidhm cheana féin chun stoic portáin agus gliomaigh a chosaint. Tá siad leagtha amach sa reachtaíocht seo a leanas:

- (Rialachán (CE) Uimh. 1415/2004 ón gComhairle): Cuireann teorainn ar an méid portán dearg, portán faoilinne agus stoic eile is féidir a thabhairt i dtír in Éirinn ó uiscí amach ó chósta na hÉireann.

- Rialachán (AE) 2019/1241: Cuirtear bearta caomhnaithe i bhfeidhm leis, lena n-áirítear íosmhéideanna tagartha caomhnaithe do ghliomaigh agus do phortáin faoilinne. Cuireann teorainn chomh maith ar líon na gcrúb portáin dheirg is féidir a thabhairt i dtír.

- I.R. Uimh. 236 de 2006 - Rialacháin um Portán Faoilinne (Stoic a Chaomhnú), 2006: Leagtar amach ann íosmhéideanna do phortáin faoilinne a bhfuil sé de chead ag báid iascaireachta mara na hÉireann iad a thabhairt i dtír.

- I.R Uimh. 591 de 2014 – Rialacháin um Gliomach (Stoic a Chaomhnú), 2014: Éilítear leis seo gach gliomach v-eangaithe nó gach gliomach loite a chur ar ais san fharraige. Cuirtear an beart caomhnaithe seo i bhfeidhm leis chomh maith do ghliomaigh atá níos mó ná 127 mm.

- I.R. Uimh. 31 de 2016 - Rialacháin um Iascaireacht Neamhthráchtála le Potaí (Gliomaigh agus Portáin), 2016: Tugadh isteach bearta faoi na rialacháin seo chun rialú a dhéanamh ar iascaireacht neamhthráchtála le potaí ar ghliomaigh agus ar phortáin a dhéanann árthaí iascaireachta laistigh d'uiscí intíre nó farraigí teorann an Stáit, ach níl feidhm ag na bearta sin ar bháid iascaireachta lasmuigh de na limistéir sin nó ar bháid iascaireachta cheadúnaithe.

- I.R Uimh. 431 de 2017 – Rialacháin um Luaineachán (Stoic a Chaomhnú), 2017: Leagtar amach ann íosmhéideanna luaineacháin a bhfuil sé de chead ag báid iascaireachta mara na hÉireann iad a thabhairt i dtír.

- I.R Uimh. 26 de 2019 – Rialacháin um Portán Dearg (Stoic a Chaomhnú), 2019: Méadaítear íosmhéideanna tagartha caomhnaithe do phortáin dhearga a thugann báid iascaireachta Éireannacha i dtír ó uisce amach ó chósta na hÉireann.

Mholfainn d'iascairí moltaí atá acu maidir le bainistiú a dhéanamh ar stoic intíre, mar portán agus gliomach, a chur faoi bhráid a bhFóraim Réigiúnaigh Iascaigh Cois Cladaigh áitiúil. Is féidir eolas ar bith maidir leis na Fóraim, lena n-áirítear sonraí teagmhála a fháil ar láithreán gréasáin tiomnaithe na bhFóram: .